قصة مؤثرة للغاية

زائر

بسم الله الرحمن الرحيم
احد
الاشخاص ... سأل الدكتور وش المواقف العجيبة اللي مرت عليك؟قال قولي وش
النوع اللي تبية؟ قلت:أعجب مامر عليك خلال عملك با المستشفى قال :الشي
اللي مو طبيعي ومر علي خلال 13 سنة عمل باالمستشفى هو ان مرةأحد المرضى
شاب 22سنة جاء يستشيرني بخصوص شي اعتقدت باالبداية انة بسيط وعلاجة مرة
سهل هو انه حسب ماقالت لي الممرضة قبل مايدخل انه فية بقع خال على الشاب
بيدة ويبي يستشير بأي طريقة يشيلة ويوم دخل علي الشاب لاحظت انه لابس
قفازات وسلم علي وهو لابسهن ويوم حاولت معه يمين وشمال ابي اشوف ايده وبقع
الخال عيا وقال:انت استشاري ولا ايش قا ل الدكتور:ل الشاب انا مااقدر
اساعدك الا اذا شفت الحالة بعيني أقتنع الشاب بصعوبة وفسخ القفازات قال
الدكتور:شفت شي عجيب مكتوب ببقع الخال على يدة اليمين بس اسم بنت فلانة
بنت فلان يقول أنا احسبة باالبداية مكتوب بخط يد أو وشم لكن يوم دققت فية
طلع فعلا" دم جامد مثل مايسمونة بقع خال استغربت وسألت المريض كيف جاك
هاالشي هل هو من الولادة (الدكتور يقول توقعت انة ولد غير شرعي أو من
هاالقبيل واسم أمة مكتوب على يدة من يوم ولد ) لكن الشاب رفض يتكلم ويوم
حاول معة الدكتور وقال استنتاجة انة يمكن أنة ولد غير شرعي واستفزةعصب
الشاب وبكى وقعد يقول القصة للدكتور وقال الشاب :ودموعة تنهمر ....
عرفت فتاة بنت بنفس عمري عن طريق الهاتف وصارت بيننا مكالمات على مدى
8شهور وثقت البنت فيني وقالت اسمها الكامل وتعرفنا على بعض زين ويوم من
الايام طلبت منها اننا نتقابل بأحد الاسواق والبنت رفضت رفض كلي وصرت
اترجاها على مدى شهر مافية فايدة البنت اصرت انه مانتقابل طفح الكيل
وهددتها اني افضح اسمها لوماقابلتني فرفضت وقالت :انه عذاب اهلها خير لها
من انها تقابله وفعلت فعلتي ونشرت اسمها بين اصحابي وكتبت اسمها على احد
الجدران فلانه بنت فلان بعدها بأسبوع او اسبوعين ضهرت البقع على ايدي
باالضبط نفس الخط اللي كتبته على احد الجدران وانا نادم على اللي سويتة
وودي لو اتخلص من يدي بأي طريقة الدكتور:نعم انت غلطت اليس لديك اخوات
تخاف ان يفعل بهن مثل مافعلت ولم يستطيع الشاب ان ينطق اي كلمة واخذ يجهش
باالبكاء ويكلمني بعد كذا حولتة على مختص الليزر والحروق واتقوا على موعد
ويوم راح الاسم اللي مكتوب على يد الشاب ارتاح نفسيا" ونام في المستشفى
على احد الاسره بعد التعب النفسي لكن يوم صحى بصباح ذاك اليوم رجع على يده
الاسم مثل ماكان علية قبل العملية وحاولنا مرة ثانية وثالثة تبقى بعد
العملية مثل الحروق ومن بكراترجع مثل ماكانت بعد العملية قلنا له انه
مافية علاج ثاني غير المراهم وانه راح تاخذ وقت طويل الين ماتختفي(الدكتور
يقول:احنا عارفين ان مافية فايدة من المراهم لكن مانبغى الشاب يتعب
نفسيا"ويجيه شي وكل شهر يجيي الشاب يراجع ويقول مافاد المراهم وانا اقول
له الصبر زين ونصحتة بأحد المرات انه يكلم البنت اللي نشر اسمها ويروح
يمسح الاسم اللي كتبة على الجدار وفعلا" راح ومسح الاسم اللي على الجدار
وكتب بداله سبحان الله وبحمدة سبحان الله العضيم ويوم كلم البنت بعد جهد
لانها ماكانت تبي ترد عليه وقال لها القصة والبنت لانها ماوصل لاهلها قصة
انها كانت تكلم فلان واسمها مكتوب على احد الجدران وانه هاالشاب مسحة وكتب
بداله تسبيح وتحميد نصحتة انه يتوب ويروح لمكة ويدعي له ويمسح اسم البنت
اللي على يده بماء زمزم خلال اسبوع او اللين يروح الاسم وفعلا" الشاب سوى
اللي قالته البنت وقعد بمكة بعد كل صلاة يمسح الاسم على يدة بماء زمزم
وخلال 10 ايام يقول الشاب للدكتور: سبحان الله والله الاسم أمتسح بعد صلاة
الفجر من يدي مثل مايمتسح الحبر من اليد اذا جاه مويةوالدكتور يكمل كلامة
ويقول: من ذاك اليوم قاطعتة أنا من هاالسالفة قال 4 سنوات تقربيا" ومن ذاك
اليوم وهو كل شهر يزورني مرة وقال انه تزوج تللك الفتاة اللي حاول يفضحها
بعد ماهداه الله وله منها ولد وبنت ......

والله يهـــــــــــــــــــــدي شبــــــــــــاب وبنـــــــــــات المسلمين أجمعــــــــــن.....
القصة لاخذ العظة والعبرة بأن الله يمهل ولا يهمل
منقول

ملــ القـلوب ــك كتب:: والله يهـــــــــــــــــــــدي شبــــــــــــاب وبنـــــــــــات المسلمين أجمعــــــــــن.....

اللهم آميين
قصه غريبه و عجيبه جدا

زائر

وش العجيب والغريب في القصة ؟؟؟؟!!!!
ما قرأت
إنما أمره إذا أراد شيأ أن يقول له كن فيكون

ملــ القـلوب ــك كتب:: وش العجيب والغريب في القصة ؟؟؟؟!!!!

يعني (نص مقتبس من أول القصه)

اقتباس :: مو طبيعي خلال 13 سنة

وتقول عآآدي

زائر

أقول فكنا الله يرحم والديك
ما قرأت آخر النص
منقووووووووووووووووووووووووول
ومشكوور على مرورك
وعودة حميدة للمنتدى

ملــ القـلوب ــك كتب:: وعودة حميدة للمنتدى

ههههههههههه
كيف ؟؟
أنا في المنتدى من يوم فُـتِـحْ

زائر

الله يهديك لك فترة سحبت على المنتدى>>>>>مسافر ولا شيء
أهم شيء إنك نورت المنتدى بعودتك

ملــ القـلوب ــك كتب:: الله يهديك لك فترة سحبت على المنتدى>>>>>مسافر ولا شيء
أهم شيء إنك نورت المنتدى بعودتك

الله يصلحك بس >> آمين وإياي
أنت ـ ماشاء الله ـ صرت متواجد في المنتدى 24 أربع وعشرين ساعه >>>> ما عندك مدرسه ؟؟

زائر

خخخخخخخخخخ
وش دخل المدرسة >>>>>تكمل ماجستير
الله لا يضرك
وإجازة سعيدة

ملــ القـلوب ــك كتب:: وش دخل المدرسة >>>>>تكمل ماجستير

يعني ما عندكـ ترم صيفي >>>> يؤ يؤ .. معليش الترم الصيفي فقط للجامعات..فـقـط
أوولد أنت ماجستير >>> أقــعــد يآ بـروفـسـور

زائر

خخخخخخخخخخخخ
وش ذا التقدم قناص طلعت تعلرف وش معنى ماجستير
ومشكوور وما قصرت على الرد المميز

ملــ القـلوب ــك كتب:: وش ذا التقدم قناص طلعت تعلرف وش معنى ماجستير

العفوو ..أولاً
ثانياً : أنا أتحداكـ تتكلم عن الماجستير وماهي الدرجه اللي قبله و الدرجه اللي بعده ؟؟
وفي عمر كـم تحصل على هذه الشهاده ــ تقريباً ــ ؟؟ >>>> ما خلص التحقيق ؟؟
أنا أنتظر الجواب >>>> إنتظروا إنا معكم منتظرون !!
صح .. صح .. وش معنى مـا جـسـتـيـر ؟؟

زائر

ياخي هذا كلام كبير على عقليتك
إذا كبرت شوي بأعلمك
لا أمزح لا تزعل علينا